Sipas një raporti të publikuar nga Gallup dhe Fondacioni Walton  për Familjen të rinjtë e Gjeneratës Z, (Gen Z) sot kanë më shumë probleme me shëndetin mendor.

“Vetëm 47% e amerikanëve të Gen Z po gëzojnë rininë e tyre – një shifër ndër më të ulëtat për të gjitha brezat në SHBA sot dhe një shkallë shumë më e ulët krahasuar me të rinjtë e pak dekadave më parë “, thuhet në raport. Studimi, i publikuar të enjten, synon të reflektojë zërat e Gen Z mbi çështje kyçe që shqetësojnë këtë brez. Hulumtuesit bënë anketë mbi më shumë se 3,000 njerëz të moshës 12-26 vjeç në prill dhe maj të këtij viti. Hulumtuesit thonë se ka dëshmi se vështirësitë e shëndetit mendor të Gen Z janë të ndryshme. Krahasuar me brezat më të moshëm sot, studimi i Gallup-WFF tha se anëtarët e Gen Z kanë shumë më shumë gjasa të raportojnë përjetimin e emocioneve negative si stresi, ankthi dhe vetëmohimi. Hulumtuesit gjithashtu thanë se kanë gjetur “dëshmi që vështirësitë e raportuara vetë nga Gen Z në shëndetin mendor janë të ndryshme nga ato të brezave të mëparshme në të njëjtën moshë.” Kur u kërkua të përshkruanin shëndetin mendor ose mirëqenien e tyre aktuale, vetëm 15% e anëtarëve të Gen Z të moshës 18-26 vjeç thanë se ishte shumë të mirë. Kjo është një zbritje e thellë krahasuar me një dekadë më parë, tregoi studimi, kur 52% e të rinjve në të njëjtën grupmoshë thanë se shëndeti mendor ishte shumë i mirë. Dhe në vitin 2004, 55% e njerëzve të moshës 18-26 vjeç  raportuan një shëndet shumë të mirë mendor. Ky nuk është studimi i parë që vë në dukje vështirësitë e shëndetit mendor të Gen Z. Më herët këtë vit, Qendra e Kontrollit dhe Parandalimit të Sëmundjeve të SHBA tha se shëndeti mendor i dobët mbetet një “problemi serioz shëndetësor publik” për adoleshentët, sidomos për vajzat e reja.

Një raport i vitit 2018 nga Shoqata Amerikane e Psikologjisë gjeti se, krahasuar me brezat e tjerë, më shumë anëtarë të Gen Z mendonin se shëndeti mendor ishte ose i mirë ose i keq pa dallime të tjera. Në atë kohë, drejtori i shoqatës, psikologu Ëalter Evans, e quajti këtë rezultat shqetësues, por theksoi se mund të ketë edhe efekte pozitive. “Ky brez mund të jetë më i ndërgjegjshëm në njohjen e problemeve me shëndetin mendor sesa brezat e mëparshëm”, tha psikologu Walter Evans.

Një karakteristikë tjetër e Gen Z: Optimizmi

Sipas studimit mbi tre të katërtat e anëtarëve të Gen Z mendojnë se kanë një të ardhme të shkëlqyeshme përpara tyre. “Ka një optimizëm shumë i qëndrueshëm në ballë të vështirësive të shëndetit mendor për këtë brez”, thotë studimi. Megjithatë, studimi gjithashtu vëren se më pak se gjysma e anëtarëve të Gen Z ndihen  të përgatitur për të ardhmen. Anketa ka pyetur edhe Gen Z për tema të tjera. Shëndeti mendor nuk është tema e vetme që hulumton ky studim.

Gjetjet e tjera përfshijnë:

• Rreth gjysma (53%) e studentëve të Gen Z që dëshirojnë të ndjekin arsimin e lartë besojnë se do të jenë në gjendje ta financojnë atë.

• 40% e studentëve të Gen Z thanë se shqetësoheshin shumë ose diçka për dhunën me armë në shkollën e tyre.

• “Të fitosh mjaftueshëm para për të jetuar rehat” është “shpresa më e përmendur për të ardhmen” e Gen Z, me 69% të të anketuarve që e rendisin atë në mesin e dëshirave të tyre kryesore.

Hulumtuesit thanë se ky studim është raporti i tyre i parë për këtë grup të përfaqësuar kombëtarisht, por nuk do të jetë i fundit. Ata planifikojnë të vazhdojnë anketimin e anëtarëve të Gen Z në të ardhmen për të ofruar më shumë të dhëna për politikbërësit.

Artikullin original të CNN e lexoni këtu.

© 2023, Pozitivi. All rights reserved.