Një kompani kafeneje në një mision për të ndihmuar 100 nëna beqare
Një kompani kafeneje në South Florida ka nisur një mision për të ndihmuar 100 nëna beqare.
Burly Man Coffee filloi fushatën bamirëse në mars duke dhuruar një makinë për një nënë beqare nga e cila ka një djalë me autizëm.
Celeste Bokstrom është kujdestare me kohë të plotë për djalin e saj, Logan, 16 vjeç dhe ka qenë pa makinë për katër vjet. Mungesa e një makine e ka bërë të vështirë të marrë ushqime ose për të shkuar në takimet me mjekun.
Bokstrom më në fund mblodhi para mjaftueshmëm për të blerë një makinë të përdorur në internet, por asaj ia vodhën.
“Isha e tronditur dhe shumë e zhgënjyer”, tha Bokstrom për Burly Man Coffee. “M’u desh një kohë e gjatë për të kursyer para të mjaftueshme për të blerë një veturë, dhe për një çast i humba të gjitha”.
Celeste u emocionua kur kompania e kafenesë i bleu një makinë të re, së bashku me një iPad për ta ndihmuar djalin e saj të komunikojë.
“Nuk kisha asnjë ide se kjo do të më ndodhte me mua”, tha ajo. “Unë kisha besim dhe besoja se Perëndia i dinte luftërat e mia, por kurrë nuk e prisja këtë”.
Jeremy Wiles, themeluesi i Kafes ‘Burly Man’, tha se ka qenë i pasionuar duke punuar për kompaninë për një kohë të gjatë, por dëshiron të bëjë më shumë se vetëm të shesë kafe.
“Kafja është zanati ynë, por edhe të ndihmojmë njerëzit është pasioni ynë”, tha Wiles.
Kompania lëshoi një video në lidhje me historinë e Celeste dhe reagimin e saj kur ka marrë një makinë të re.
© 2019, Pozitivi. All rights reserved.
