Të 30-ët / Dy poetë që kanë korrur sukseset e para nga pena e tyre
18/01/2023 Shpërndaje

Të 30-ët / Dy poetë që kanë korrur sukseset e para nga pena e tyre

Ermal Spahiu është gazetar I ardhshëm por ndërkohë që studion degën që do të jetë profesioni I tij prej shumë vitesh shkruan edhe letërsi artistike.  

Një tjetër shkrimtare, Denada Fera qendron krah tij si një autore e re. Të dy kanë publikuar tashmë librat e tyre të parë edhe pse janë 22 dhe 23 vjeçarë.

Arësyen përse i frymëzon shkrimi e tregojnë vetë në videon më poshtë:

Për Ermalin “Libri i drejtohet lexuesve të moshave të reja, të rinjve që synojnë të nderojnë atdheun me përpjekjet e tyre. Në këtë libër ka dhe një surprizë për ta. Bëhet fjalë për një poezi që reflekton këmbënguljen time për të qëndruar në Shqipëri dhe për të mos e menduar largimin nga kjo tokë. Lexuesve u bashkangjiten dhe të rriturit të cilët duan të njihen me realitetin që duhet jetuar,”.

Denada e cila punon si operatore telefonike, i konsideron të dy si profesione që mund ti zhvillojë paralelisht. E ndërkohë që punon është edhe gfituese e vendeve të para në poezi, prozë apo ese.

Një Poezi nga Denada Fera

E një tingull t’ambël e dëgjoj

Nga larg e shoh e ndiej,

Është muzika e zemrës time,

Është ajo që më fut në mendime.

Eh, çfare melodie!

Një zë i ëmbël në një muzikë,

Ne atë muzikën time të preferuar,

Si një zog i vogël endem duke fluturuar,

Pas muzikës së zemrës

Ajo nuk ka veç melodi

Ajo ka gjithçka,

Atë e do mendja, atë e do personaliteti.

Ajo është perfekte,

Ajo është e tillë,

Thjesht, nuk ndryshon dot!

Dikush e ka regjistruar…

Ata janë 2 prej të rinjve shqiptarë të talentuar dhe energjikë që spikatin për aftësi të ndryshme. Projekti të 30-ët ka kontribuar pikërisht për të nxjerrë në pah personazhe si ata që kanë vlera për shoqërinë dhe janë faktorë ndryshimi brenda mini-komuniteteve të tyre.

 “Ky projekt/aktivitet organizohet në kuadër të programit Tirana Kryeqyteti Evropian i Rinisë 2022 me mbështetjen financiare të Kongresit Rinor Kombëtar në bashkëpunim me Bashkinë Tiranë.”

#tirana  #youth  #EuropeanYouthCapital2022 #EYC2022  #ActivateYouth #EuropeanYearOfYouth  #NationalYouthCongress  #CityOfTirana

© 2023, Pozitivi. All rights reserved.