Nga Aleksandër Çipa

Ukrainë 2022

Do të qajnë qytetet mbi pesëdhjet vjet,

Dhe në sa gjenerata do të lotojnë kujtimet.

Në varret e njoma elegjitë e pafundme,

Janë zërat e shpirtrave që trashëgojnë dhimbjet.

Qytetet e vrara dhe njerëzit e ikur,

Segmente ferri shpërndarë në këtë botë,

Ish koha e Putinit- vrasës i Ukrainës,

Që shpirtin e ka një Siberi, më të ftohtë.

Do të qajnë qytetet tash e shumë dekada,

Nënat e reja u plakën për pak kohë,

Nuk ka më poet të përbashkët si Shevçenko,

Rusia ka një kujë, më të madhe se çdo kob.

Do të qajë Ukraina për kohë e dekada,

Mbi shkrumb të Putinit, fëmijët do të dalin si lule.

Për kohën e sotme sa një lot është bota,

Klithmë e Mariupolit, thikë Moskës po i ngulet.

Tiranë 2022

© 2022, Pozitivi. All rights reserved.