Bota intriguese e ‘dizajnit rrethor’
Mbeturinat janë një problem i madh. Në dhjetor 2017, plastika që ndodhej në oqeanet tona u quajt “krizë planetare” nga OKB. Pjesa më e madhe e mbeturinave në planetin tonë mund t’i atribuohet bollëkut të produkteve një përdorimshe që hidhen. Një mënyrë e re për kompanitë për të luftuar mbeturinat, dhe për të ndihmuar konsumatorët të përfitojnë më shumë nga prodhimet e tyre, tani quhet “ekonomia rrethore”,shkruan Pozitivi. Thjesht, këto janë produkte që qëndrojnë në përdorim për më shumë kohë. Ideja kryesore është që të “rigjenerohen produktet dhe materialet në fund të çdo jetë shërbimi”.
Një ekspozitë ka për qëllim të tregojë se si ekonomia rrethore mund të aplikohet për produktet e përditshme që përdorim të gjithë. Më poshtë janë disa ide teorike nga kompania këshilluese “Ideo”. Ndërsa produktet nuk janë të disponueshme në treg, ekzistojnë idetë që qëndrojnë prapa tyre.
Make-up; Ky buzëkuq nga ekspozita ka një mbajtës që është “i dizajnuar për t’u bërë më i bukur, më i dobishëm dhe më i vlefshëm me kohen”, sipas Ideos. Kjo sepse mbajtësi i saj është bërë prej bronzi, një metal i gjatë. Mbajtësi i buzëkuqit është gjithashtu i dizajnuar që të jetë i rimbushur. “Ne ishim duke menduar si të krijojmë një paketim që të dëshironi ta mbani për një kohë të gjatë. Mund të ju duket më e shtrenjtë fillimisht, por më pas bëhet një artikull i bukur dhe i dobishëm për ju”, thotë Grantham.
Ushqim; Shumica e paketimeve të ushqimeve konsiderohen të kota sepse përdoren vetëm një herë para se të hidhen. Seksioni i ushqimit i “Ideos” i quajtur “Clean” tregon paketimin që është projektuar për t’u ricikluar ose ripërdorur. Dizajni i saj minimalist, i lëmuar është i pandarë dhe prandaj ka për qëllim të jetë më i gjatë. Vetëm një e treta e paketimeve plastike në Britani të Madhe raportohet se riciklohen. Paketime si kjo mund të zvogëlojnë sasinë që dërgohet në landfill ose që përfundon në oqeane.
Këpucët; Vizioni i Ideos për një këpucë që hidhet është se përmirësohet me kalimin e kohës. Këto këpucë në vend që të hidhen , pronari mund të dërgojë palën e veshur në fabrikë në mënyrë që të mund të krijojë një version të ri, duke përdorur të njëjtat materiale. Kjo do të ndihmojë prodhuesit të përdorin më pak burime, shkruan pozitivi.org.
Teknologjia; Grantham thotë se Ideo e ka vënë veten në sfidë per krijimin e përvojave më të mira për njerëzit kur blejnë dhe përdorin produkte të përditshme. Stili i jetës me teknologjinë e “uritur” do të thotë që ne jemi vazhdimisht të bombarduar me pajisje të reja. Pasojat? Shumë mbeturina elektronike. Një koncept Ideo quhet “më përdorni mua / më humb mua”, ku çdo pajisje ka një çip që tregon sa shpesh përdoret. Nëse neglizhohet, çipi informon përdoruesin nëpërmjet një teksti për çmimet e shtijeve.Nëse përdoruesi bie dakord, ata thjesht përgjigjen në tekst dhe pajisja automatikisht merr listën në një platformë ankandi. Pasojat? Konsumatorët do të blejnë vetëm atë që ata vërtetë kanë nevojë.
Zyra; Edhe vendi i punës mund të përfitojë nga një ekonomi rrethore. Kjo është një karrige zyre me një ndryshim, pasi ajo është prodhuar në mënyrë që kur të thyehet riparimi të jetë më i lehtë. Karrigia e kupton kur ka nevojë për një pjesë të re dhe automatikisht e urdhëron atë. Kjo do të thotë që “karriget e thyera nuk ulen pa pushim dhe nuk duhet të zëvendësohen me karrige të reja”. Një sistem i tillë është “rigjenerues dhe restaurues sipas dizajnit”, shpjegon Grantham. “Ne të gjithë duhet të gjejmë një mënyrë për rigjenerimin e atyre burimeve dhe përdorimin e materialeve në një mënyrë që u lejon atyre të qarkullojnë më gjatë në ekonomi”.
© 2018, Pozitivi. All rights reserved.
