23 vjeçari i verbër me autizëm fiton ‘America’s Got Talent’
Elsinore Kodi Lee, 23 vjeç, u shpall fituesi i sezonit të 14 të “America’s Got Talent” të mërkurën në mbrëmje. Lee, i cili është i verbër dhe ka autizëm, ka mahnitur Amerikën që kur fitoi medaljen e artë në një prej sezoneve.
Sipas mediave të huaja Lee është një nga 25 njerëzit në botë me këtë lloj aftësie muzikore. I riu ka një “memorje audio fotografike, në të cilën mund të kujtojë muzikën që dëgjon pas vetëm një dëgjimi”.
23 vjeçari është dëshmi e gjallë se asnjë pengesë nuk duhet ta ndalojë askënd që të ndjekë dhe të arrijë ëndrrat e tyre.
“Nga nota e parë që kënduat, unë e dija se keni diçka të veçantë dhe se keni qenë këtu për të ndryshuar botën”, tha një nga përfaqësuesit e jurisë, Gabrielle Union, e cila i dha Lee medaljen e artë në natën e parë. “Ky eshte vetem fillimi.”
“Ne zbuluam që ai e donte muzikën vërtet që më herët”. Nëna e Lee, Tina, tha natën e parë se: “Nëpërmjet muzikës dhe interpretimit ai ishte në gjendje t’i rezistojë të jetuarit në këtë botë sepse kur je autik, është me të vërtetë e vështirë të bësh atë që bëjnë të gjithë të tjerët. Në të vërtetë shpëtoi jetën e tij – duke luajtur muzikë”.
Duke fituar konkursin, Lee iu dhanë 1 milion dollarë dhe residence në Las Vegas. Lee do të presë shfaqjen e tij në Paris Las Vegas nga 7 nëntor deri më 10 nëntor.
“Që nga momenti kur u njohëm me Kodi Lee, ne e dinim që ai ishte i destinuar të ndryshonte botën”, postuan ‘America’s Got Talent’ në faqen e tyre në Facebook.
© 2019, Pozitivi. All rights reserved.