Projektet për bashkinë e Pogradecit, a do të ketë ndërtime në Parkun e Drilonit?

Një diskutim i hapur ka shkaktuar debat lidhur me projektet zhvillimore për bashkinë e Pogradecit, veçanërisht në zonën e mbrojtur të Parkut të Drilonit. Diskutimi u zhvillua në emisionin RinVote në Euronews Albania, ku u shfaqën dy pikëpamje të ndryshme mbi ndërhyrjen në këtë zonë të bukur natyrore.

Kryetari i Partisë Demokratike në Pogradec, Genti Çela, deklaroi se Parku i Drilonit është prekur negativisht dhe shumë pemë disa-vjeçare janë prerë. Ai theksoi se ndërtimi i disa godinave në zonën e parkut është miratuar nga Këshilli Kombëtar i Territorit, por informacioni rreth kateve dhe përdorimit të tyre është i pamjaftueshëm. Çela gjithashtu shprehu shqetësimin se projekti për parkun e Drilonit, i cili parashikon shpenzime prej 5.7 miliardë lekësh, është i shtrenjtë dhe mund të realizohej me kosto më të ulët nga vetë bashkia.

Nënkryetari i bashkisë së Pogradecit, Paskolino Ziko, u përgjigj në emision duke sqaruar se projekti nuk përfshin ndërtimin e pallateve në Parkun e Drilonit. Ai theksoi se ndërhyrja në zonën e Drilon-Tushemisht është bërë në kuadër të një projekti të madh të ndarë në katër pjesë, të hartuar nga një studio portugeze. Plani përfshin investime në parkun e Drilonit, shëtitoren e Tushemishtit, unazën e Tushemishtit dhe rrugën nga Tushemishti në doganën e Tushemishtit.

Ndërsa Çela shprehu shqetësimin për shkatërrimin e habitatit dhe mungesën e konsultimeve, Ziko theksoi se projekti synon të riabilitojë dhe rikthejë bukurinë natyrore të Parkut të Drilonit. Ai theksoi se nuk është prerë asnjë pemë nga ana e projektit dhe që janë planifikuar mbjellje të reja të pemëve. Ai gjithashtu konfirmoi se kontaktet me UNESCO-n janë bërë dhe ndërtesat pa leje po prishen për të krijuar një mjedis të pastër dhe të përputhshëm me standardet e një parku.

Kwto kwnvdvwshtrime tw ndryshme kanw nxitur debat mbi projektet zhvillimore në zonën e mbrojtur të Parkut të Drilonit, duke  thelluar ndarja e opinionit midis aktorëve politikë dhe organizatave mjedisore. Në pritje të zhvillimeve të ardhshme, është e rëndësishme që të gjendet një konsensus për të ruajtur vlerat natyrore dhe të sigurohet zhvillimi i qëndrueshëm në interes të të gjithë qytetarëve dhe të ardhmes së kësaj zone të bukur natyrore.

 “Ky projekt/aktivitet organizohet në kuadër të programit Tirana Kryeqyteti Evropian i Rinisë 2022 me mbështetjen financiare të Kongresit Rinor Kombëtar në bashkëpunim me Bashkinë Tiranë.”

#tirana  #youth  #EuropeanYouthCapital2022 #EYC2022  #ActivateYouth #EuropeanYearOfYouth  #NationalYouthCongress  #CityOfTirana

© 2023, Pozitivi. All rights reserved.