Tifozët që do të vijnë në Tiranë për të ndjekur finalen Europiane në 25 maj, do të duhet të paguajnë deri afër 2 milionë lekë të vjetra për një natë në hotele. Çmimet janë rritur ndjeshëm, por gjithsesi shumë pak dhoma kanë mbetur të lira.

Ky fakt ka shqetësuar Autoritetin e Konkurrencës i cili ka vendosur të bëjë monitorim tregu.

“Nisur nga disa informacione shqetësuese në media në lidhje me rritjen e menjëhershme të çmimeve nga ana e ndërmarrjeve që ofrojnë shërbimin e hotelerisë apo akomodime të tjera të ngjashme në qytetin e Tiranës, në kuadër të ndeshjes finale të Ligës së Konferencës midis skuadrave Roma-Feyenoord, e cila do të zhvillohet në Tiranë në datën 25 maj 2022, Autoriteti i Konkurrencës vendosi monitorimin e këtij tregu”.

“Nga monitorimi i platformave online që ofrojnë rezervime ambientesh fjetje si dhe nga monitorime në terren u identifikuan çmime tepër të larta për datat 23-25 maj 2022, krahasuar me periudha të tjera të vitit. Autoriteti i Konkurrencës iu kërkon ndërmarrjeve që ofrojnë shërbimin e fjetjes në hotele dhe akomodime të ngjashme në qytetin e Tiranës: – të ofrojnë shërbime me çmime të arsyeshme, të orientuara drejt kostos; – të mos anulojnë rezervimet e hershme me qëllim rishitjen në minutën e fundit me çmime disa herë më të larta”.

Autoriteti i Konkurrencës iu bën me dije ndërmarrjeve që ofrojnë shërbimin e fjetjes në hotele dhe akomodime të ngjashme në qytetin e Tiranës që, nëse në përfundim të hetimit rezulton se rritja në mënyrë të menjëhershme dhe të pajustifikuar e çmimit të shërbimit të fjetjes në hotele dhe akomodime të ngjashme do të gjendet në kundërshtim me dispozitat e ligjit “Për mbrojtjen e Konkurrencës”, shkelësit e ligjit do të ndëshkohen me gjoba deri ne 10% të xhiros së vitit financiar paraardhës.

Jo vetëm bizneset, por nga kjo situatë po përfitojnë edhe qytetarët të cilët po nxitojnë të hedhin me qira për tifozët apartamentet e tyre. Kjo vihet re në një vëzhgim në platformat më të mëdha në fushën e prenotimeve të shërbimeve turistike si Booking dhe AirBNB.

• 
• 
• 
• 
• 
• 

Siç vihet re çmimet jane stratosferike që në periudhë tjetër të vitit kushtojnë më pak se në këtë ditë në këto hotele dhe ambiente me qira.

Numri i tifozëve që do të vijnë në vendin tonë pritet të jetë shumë i madh. Kjo vërehet nga shtija e biletave. “Air Albania”, i ka të gjithë biletat e shitura për finalen e “Conference League” mes Romës dhe Feyenoordit të Roterdamit.

Mijëra tifozë të Romës dhe të Feyenoordit reaguan të irrituar në rrjetet sociale pasi nuk patën sukses në blerjen e biletave. Shumë pak janë ata fatlumët që e kanë përfunduar me sukses këtë proces.

Në tregun legal nuk është më e mundur blerja e biletave për këtë finale të kompeticionit më të ri për klube në Europë. 10 mijë biletat e fundit kanë “avulluar” brenda një ore përmes portalit të UEFA-s. Kërsat e shumta për bileta, nga një audiencë potencialisht mbarëbotërore, e çoi sistemin në kolaps.

Nisur nga ky fluks ka pasur dhe rritje çmimesh nëpër hotele. Kjo situatë vjen në një kohë që kriza e çmimeve ka përfshirë vendin si pasojëy e ndikimeve të luftës në Ukrainë në tregjet ndërkombëtare. Kjo krizë ka ndikuar edhe në zhvillimin ekonomik të vendit.

BERZH ka rishikuar përsëri në ulje ecurinë ekonomike të Shqipërisë duke e caktuar atë 3% për vitin 2022. Ky vlerësim vjen pas atij të bërë në muajin mars sipas të cilit ekonomia e Shqipërisë do  të zgjerohej me 3.3% për vitin 2022. Por pavarësisht rishikimit në ulje Banka Europiane për rindërtim e Zhvillim ka një parashikim më pozitiv  nëse e krahasojmë me institucionet e tjera financiare. FMN pret një rritje vetëm me 2% për këtë vit. Aktualisht inflacioni në vend ka arritur në 6.2% ose dyfish mbi objektivin e Bankës së Shqipërisë.

/Pozitivi.org

© 2022, Pozitivi. All rights reserved.