“Dashuria për veten është kaq e rëndësishme dhe të mësuarit të keni besim për ta dashur veten është diçka e mahnitshme”
E dini se mbi 1 miliardë njerëz në botë përjetojnë një formë të aftësisë së kufizuar. Le të forcojmë përfshirjen, të festojmë diversitetin dhe të promovojmë të drejtat e njeriut për të gjithë. Modelja Madeline Stuart tregon historinë e saj përmes të cilës rrit ndërgjegjësimin. Mesazhi kryesor që ajo përcjell është dashuria për veten: “Dashuria për veten është kaq e rëndësishme dhe të mësuarit të keni besim për ta dashur veten është diçka e mahnitshme”.
Rrëfimi i modeles:
“Unë kam lindur në Brisbane, Australi dhe jetoj akoma atje me nënën time Rosanne. Unë fillimisht e dija se doja të provoja modelimin kur ndoqa një shfaqje lokale dhe shikoja modelet në pistë.
U dashurova me modelingun dhe e dija se doja ta provoja! Nëna ime u kujdes që unë të bëja një fotosesion dhe këtu filloi rrugëtimi ynë!
Qëllimi im më i madh është që të mos shihet si diçka e jashtëzakonshme dhe shumë e guximshme për mua të eci në pasarelë, por që të jetë normale.
Dua të siguroj që të gjithë, pa marrë parasysh aftësinë e tyre, ngjyrën e lëkurës, fenë, janë të përfaqësuar në media dhe të ndjehen të pranuar për ata që janë.
Unë gjithashtu dua të sigurohem që stigma e bashkangjitur aftësisë së kufizuar është vërtetuar e gabuar, që njerëzit të kuptojnë se vetëm sepse mund të kesh një paaftësi nuk do të thotë që nuk je i aftë, ose nuk duhet të përfshihesh. Të gjithë janë të aftë nëse u jepet mundësia!
Gjërat janë përmirësuar ndjeshëm që kur fillova modelimin e deri më tani. Në fillim, një nga sfidat më të mëdha ishte që njerëzit të më shihnin mua si një profesioniste. Ata shpesh më kërkonin të ecja në pistë ‘për përvojën’ në vend që të më paguanin si modelet e tjera. Ishte një rrugë e gjatë, por ne kemi punuar shumë për të arritur atje ku jemi, dhe gjërat janë përmirësuar vërtetë.
Tani njerëzit më kontaktojnë duke më kërkuar normat e mia sesa të më kërkojnë të eci falas! Dua ta përhap këtë mesazh: Dashuria për veten është kaq e rëndësishme dhe të mësuarit të keni besim për ta dashur veten është diçka e mahnitshme”.
© 2019, Pozitivi. All rights reserved.
