Ajo është një vajzë adoleshente e vetme e ulur me këmbë të kryqëzuara dhe e armatosur me asgjë më shumë veçse me kushtetutën ruse.

Ata janë një linjë e policisë famëkeqe brutale të trazirave të Moskës, e pajisur me mburoja, shkopinj dhe helmeta.

Por imazhi i një demonstrueseje të re pro-demokracisë që kundërshton vetëm forcat e sigurisë së Vladimir Putin duket se do të bëhet një nga simbolet më të fuqishëm të rezistencës ndaj autokracisë së presidentit.

Olga Misik, 17 vjeç, u fotografua e ulur para oficerëve duke lexuar kushtetutën e vendit – e cila pohon të drejtën për tubime paqësore. Kjo shfaqje është vlerësuar për guximin e madh të vajzës.

Imazhi ka dalë viral në të gjithë botën, duke u ndarë mijëra herë. Tani po përdoret nga opozita ruse për të mbështetur protestën përballë shtypjes së vazhdueshme të shtetit.

“Unë thjesht doja t’i kujtoja policinë se ne jemi këtu me qëllime paqësore dhe pa armë, por ato nuk janë”, tha ajo.

Demonstratat e fundjavës ishin një protestë kundër ndalimit të disa politikanëve kryesorë të opozitës që të mos kandidonin në zgjedhjet e shtatorit në Moskë. Ata bënë thirrje për liri dhe transparencë në Rusi, ku zgjedhjet shihen gjerësisht të manipuluara.

Vetë adoleshentja, babai i të cilës është një përkrahës i Putinit, u lejua të ikte pas leximit të kushtetutës, por më vonë u arrestua nga policia ndërsa po shkonte në një stacion në metro.

• 

© 2019, Pozitivi. All rights reserved.