Studimi: Njerëzit që qëndrojnë më shumë në shtëpi janë më inteligjentë
A preferoni të qëndroni në shtëpi dhe të mos dilni? Atëherë jeni më të zgjuar. Ka shumë njerëz që, mbi të gjitha mundësitë, preferojnë t’i kalojnë ditët në shtëpi. Ka nga ata që shohin një film, që përgatisin diçka të mirë për të ngrënë, që lexojnë ose që i kushtohen vetes. Sidoqoftë, të qëndrosh brenda katër mureve të shtëpisë është shumë më joshëse sesa të kalosh një mbrëmje midis bareve dhe restoranteve.
Ka ndodhur që të gjithë të kalojnë periudha (ose një jetë të tërë!) në të cilën qëndrimi në banesë është shumë më joshës sesa të kalosh një natë në kokteje dhe disko. Shpesh kur vjen fundjava, shumë njerëz preferojnë të qëndrojnë në shtëpi dhe të shijojnë atmosferën brenda shtëpisë në vend që të dalin.
Nëse jeni i tillë, shpesh do të jeni në shënjestër të miqve, me akuzën se jeni dembel.
Nga sot, megjithatë, do të keni një armë në favorin tuaj për të mbrojtur veten kundër ngacmimeve. Sipas disa shkencëtarëve, ata që kalojnë mbrëmjet midis katër mureve janë më të zgjuar se të tjerët.
Profesori Norman P. Li i Universitetit të Singaporit dhe Dr Satoshi Kanazaëa i Shkollës Ekonomike në Londër kanë bërë një studim që adreson këtë temë. Falë një ekipi shkencëtarësh, ata kryen një studim mbi shëndetin mendor dhe nivelin e kënaqësisë personale të fëmijëve britanikë midis 18 dhe 24 vjeç.
Rezultati? Ata që qëndrojnë në shtëpi dhe preferojnë të qëndrojnë vetëm, në fakt janë shumë më inteligjentë se të tjerët. Evolucioni na ka çuar të jetojmë në një pako, por, siç shpjeguan autorët e studimit, “individë shumë inteligjentë kanë tendencë të kenë preference “të panatyrshme”. Gjëja më e natyrshme për njeriun është të kërkojë shoqërinë e burrave të tjerë, njerëzit më inteligjentë priren ta kërkojnë atë më pak”.
© 2019, Pozitivi. All rights reserved.
