Studimet tregojnë se shëtitja me varkë bën mrekulli
Afërsisht 142 milionë amerikanë i përshkojnë rrugët ujore të vendit çdo vit. Kjo ndodh për një arsye të mirë. Hulumtimet e fundit kanë treguar se njerëzit përjetojnë përfitime emocionale, fizike dhe psikologjike nga të qenit afër, në, mbi ose nën ujë.
Një nga hulumtuesit kryesorë mbi përfitimet shëndetësore të pjesëmarrjes në aktivitete si shëtitje me varkë është Dr. Wallace J. Nichols, biolog detar dhe autor i “Blue Mind”, libri më i mirë për lidhjen shkencore midis ujit dhe lumturisë.
“Efekti i shëtitjes me varkë në jetën tonë dhe lidhja themelore me ujërat e planetit tonë, janë të dokumentuara mirë nga perspektiva ekonomike, ekologjike dhe arsimore”, tha Dr. Nichols. “Por, marrëdhënia e një varke me shëndetin tonë është lënë pas dore”.
Ne tani e dimë, falë shkencës, se shikimi i thjeshtë dhe zhurma e ujërave natyrore nxit gjendje të mirë mendore dhe psikologjike duke ulur kortizolin, duke rritur serotonin dhe duke nxitur relaksim.
Për herë të parë, Dr Nichols po hulumton se si të jesh në një varkë sjell përfitime në shëndetin e përgjithshëm.
“Kam bërë kërkime te shumta mbi përfitimet e të qënit afër, në, mbi ose nën ujë”, tha Dr Nichols. “Kur jeni në një barkë, zhurma e trafikut, televizioneve, zyrave, të gjitha zhduken. Anija është teknologjia më e madhe e shpikur ndonjëherë për të hyrë dhe për të eksploruar një botë të gjerë të përfitimeve të mendjes dhe për t’i shpëtuar një jete të shqetësuar dhe të hutuar në tokë. Megjithëse aplikimi i kësaj metode është nënvlerësuar”.
Shëtitja me varkë shkakton një gjendje qetësuese. Ju siguron mënyrën më të mirë për të dalë jashtë rutinës së përditshme, duke lejuar trurin të kthjellohet, na ben të mendojmë përtej rrethanave tona aktuale dhe të lidhemi me diçka më të madhe se vetja jonë. Duke qenë në ujë, në një varkë promovon ndryshime fiziologjike dhe psikologjike që përfshijnë shëndetin dhe mirëqenien, frikën dhe mrekullinë, krijimtari dhe lojë, lumturi dhe relaksim:
Duke qendruar në ujë përfiton relaksim, restaurim dhe lumturi, së bashku me përfitimet e shtuara të stërvitjes, kohës sociale dhe lidhjes me natyrën.
Shëtitja me varkë është meditative: Të bësh asgjë absolutisht është një art i humbur në shoqërinë tonë, por është më e rëndësishme se kurrë, pasi koha e kaluar në natyrë, veçanërisht kur përfshin ujin, është një mënyrë e vlefshme për të kompensuar streset e jetesës dhe të punës në kontekste moderne.
Shëtitja me varkë është frymëzuese: Frika është një emocion i rëndësishëm që na ndihmon të dalim jashtë vetes dhe ka lidhje unike me kuptimin, qëllimin, dhembshurinë dhe vetëvlerësimin. Uji është një nga burimet më të mira të mrekullisë.
Shëtitja me varkë nxit kreativitetin: Stresi duket se pengon krijimtarinë. Një nga mjetet më të mira është loja, e cila shkakton lirimin e endorfineve. Sportet ujore dhe aktivitetet ujore janë një rrugëzgjidhje.
Shëtitja me varkë u bën thirrje shqisave tona: Një marrëdhënie e përjetshme me ujin, e lehtësuar përmes shëtitjes me varkë, sjell përfitime të mira njohëse, emocionale, psikologjike, sociale dhe shpirtërore për njerëzit e të gjitha moshave dhe aftësive.
© 2018, Pozitivi. All rights reserved.
