Kampi provizor i ngritur në stadiumin e Durrësit ku janë strehuar shumë banorë të goditur nga tërmeti, po çmontohet pasi qytetarët janë strehuar në hotele.

Ka qenë kryeministri Edi Rama i cili ka bërë me dije lajmin ndërsa falenderon pronarët e hoteleve në Durrës, që strehuan qytetarët e prekur nga tërmeti.

“Nga sonte të gjithë do të jenë në të ngrohtë, me ushqim e krevat, falë pikërisht organizimit, koordinimit dhe mbi të gjitha gatishmërisë fantastike të sipërmarrësve të hotelerisë durrsake”, shkruan mes të tjerash kryeministri.

Postimi i plotë:

FALEMINDERIT TË GJITHË ATYRE që e realizuan këtë mrekulli të vogël, duke i bërë të panevojshme çadrat e emergjencës për fatkeqët në Durrës, pa u mbushur ende 48 orë nga thagma dhe pavarërisht ngarkesës së tmerrshme e të gjithanshme

Nga sonte të gjithë do të jenë në të ngrohtë, me ushqim e krevat, falë pikërisht organizimit, koordinimit dhe mbi të gjitha gatishmërisë fantastike të sipërmarrësve të hotelerisë durrsake

Nga nesër në mëngjes herët, nisim vizitat nëpër banesat e dëmtuara, për t’u siguruar se çdo familje në nevojë për një strehë të sigurtë, do ta ketë atë pa humbur kohë

#ShqipëriSolidare jep kontributin tënd në adresën unike:

© 2019, Pozitivi. All rights reserved.