Ambulanca e bekuar nga Papa Françesku niset për në Ukrainë
Një ambulancë, e dhuruar dhe e bekuar nga Papa Françesku është nisur për në qytetin perëndimor të Ukrainës, Lviv. Lajmin e bëri të ditur zyra e shtypit të selisë së shenjtë.
Kardinali Konrad Krajewski, u nis të shtunën për në Lviv dhe do të udhëtojë për rreth 18 orë me makinë për t’ua dhënë automjetin autoriteteve në Lviv.
Që nga nisja e luftës në këtë qytet janë zhvendosur një numër i madh ukrainasish nga lindja e vendit. Të enjten, Papa bëri kritika të forta ndaj rritjes së shpenzimeve ushtarake ndërsa sulmi i Rusisë ndaj Ukrainës vijon.
Kujtojmë se të mërkurën, presidenti ukrainas Volodymyr Zelsenky i bëri thirrje Papës që të vizitojë vendin ndërsa e falënderoi për qëndrimin e fortë që ka mbajtur kundër luftës.
© 2022, Pozitivi. All rights reserved.
