Skandalet ndaj fëmijëve në media, realiteti apo etika? (VIDEO)
Skandalet mediatike të raportuara, me në fokus fëmijët, në lidhje me çështje që kanë prekur shoqërinë tonë siç janë rastet e dhunës në kopështe dhe shkolla, shembull konkret videoskandali në shtëpinë e fëmijës në Shkodër, publikuar fillimisht nga Emisioni “Ça thu” në Agon Channel, kanë efekte të ndryshme mbi vetë personazhet e trajtuara.
“Roli i medive në ngjarjet e ndodhura në qendrat e shëndetit të fëmijëve, ka ndikuar negativisht tek fëmija. Këto bume mediatike kanë qenë shumë të vonuara pasi ngjarjet kanë ndodhur më parë, një vit apo 2 vite”, tha dnër të tjera Ariana Pëllumbi, drejtore e Drejtorisë së Shërbimeve Shoqërore.
Lajme të kësaj natyre, me nxënës që denoncojnë mësuesen e tyre, në emisione “live”, videoskandale me kamera të fshehta në të cilat shihet edukatorja që dhunon fëmijën, janë një më shumë në morinë e lajmeve për dhunë dhe abuzime seksuale të fëmijëve.
Nga njëra anë është pasqyrimi i realitetit, gjendja e fëmijëve në shkolla, marrëdhëniet me prindërit, niveli i kualifikimit të mësuesve, nivelin e dhunës në shkolla dhe komunitete, apo sigurinë e fëmijëve. Ndërsa në anën tjetër qëndron roli i medias dhe parimet etike të saj në marrëdhënie më fëmijët. Po ju çfarë mendimi keni për skandalet mediatike? Sa ndikojnë ato në jetën e personazheve që trajtojnë?
VIDEO:
© 2017, Pozitivi. All rights reserved.
){kind=link}