Të qash në punë ndodh, ekspertët tregojnë çfarë të bëni
Vendi i fundit që dëshironi të qani është në zyrë. Prapëseprapë, duke pasur parasysh se sa kohë ne shpenzojmë atje, kjo do të ndodhë ndonjëherë. Edhe Sheryl Sandberg, zyrtari kryesor operativ i Facebook ka pranuar se qan në punë, madje bëri thirrje që të bëhej më pak tabu.
Në një intervistë me gazetën “Mint” në Indi, Sandberg tha: “Unë nuk besoj se jemi i njëjti person, të hënën deri të premten, 9 deri në 5, dhe pastaj një person tjetër natën dhe në fundjave. Unë mendoj se jemi të gjithë qenie emocionale dhe është mirë që ta ndajmë atë emocion në punë “.
Kjo ndjenjë nuk ndahet domosdoshmërisht vetëm te grate. Sipas një sondazhi në librin e Anne Kreamer “It’s Always Personal”: Rreth 41 përqind e grave kanë qarë në punë në një moment të karrierës, krahasuar me 9 përqind të meshkujve të anketuar. Gratë gjithashtu kanë më shumë gjasa të shqetësohen se lotët e tyre i kushtojnë kredibilitet në zyrë.
“Pavarësisht nga përfitimet fiziologjike, gratë që qajnë në punë më pas ndjehen sikur të kenë dështuar testin e feminizmit,” shkroi Kreamer. Sipas saj gratë ndjehen keq pasi qajnë në punë, ndërsa meshkujt ndihen më mirë. Megjithatë, edhe shefi më i ashpër duhet të kuptojë se të qash është një përgjigje e natyrshme ndaj stresit. Nëse ke humbur gjyshin ose merr lajme të këqija për shëndetin, do të jesh i detyruar të ndihesh emocional, edhe nëse je në një mbledhje zyre.
“Për fat të mirë, te qash në përgjigje të një situate të ngarkuar emocionalisht ose grindjeve, është një gjë e pranueshme dhe e kuptueshme nga bashkëpunëtorët dhe eprorët”, tha për HuffPost, Teresa Marzolph, themeluesja e Culture Engineered. “Natyrisht, nëse keni probleme të shpeshta, bashkëpunëtorët mund të jenë paksa të pandjeshëm ndaj situatës”, shtoi ajo.
Më poshtë, ekspertët ndajnë se çfarë duhet të bëni nëse jeni duke qarë apo keni nevojë të qani në punë. Qëndroni disa hapa larg tavolinës tuaj; “Unë jam i mërzitur dhe kam nevojë për të mbledhur mendimet”. Largimi i emocioneve nuk është një mundësi për asnjë prej nesh. Në vend të kësaj, mëso të menaxhosh kohën dhe vendin ku shpërndan këto emocione, duke komunikuar në mënyrë efektive”- tha Marzolph.
Nëse po kaloni një kohë të vështirë, jepini vetes disa ditë pushime. “Nëse po kaloni vështirësi, përpiquni të zbusni sa më shumë faktorë. Nëse keni pasur vetëm një krizë personale me familjen apo miqtë, shikoni nëse mund të ripërcaktoni mbledhjet ose konferencat telefonike. Konsideroni disa ditë ose orë relaksi, në varësi të ashpërsisë së situatës. Ju i dini kufijtë tuaj më të mirë” shtoi- Lynn Taylor.
Çfarë duhet të bëni nëse hasni një kërcim në punë? Mundohuni të bëheni të disponueshëm sipas interesit të tyre, raporton pozitivi.org. “Flisni me ton të ulët dhe të sinqertë. Dhe pastaj ofroni ndihmë. “A ka ndonjë gjë që mund të bëj?”, tha psikologu David R. Caruso. Nëse je një shef apo menaxher, ji mirëkuptues, shfaq qëndrim simpatik. “Nëse jeni shefi, trajnoni kolegët që të mos kenë frikë të angazhohen dhe të dëgjojnë se çfarë po ndodh me të tjerët, veçanërisht nëse keni punëtorë që merren me çështje shëndetësore apo financiare”, Edmonds.
© 2018, Pozitivi. All rights reserved.
