Gratë shqiptare janë të guximshme. Një prej tyre është Armela Murati 25 vjeç. E reja nga Burreli vendosi që pasionin për lartësinë ta kthejë në profesion. Kështu ajo është bërë e para pilote në vendin tonë.

Guximi i saj është përgëzuar nga të gjithë. Madje shumë e kanë shpërndarë si rast frymëzimi në rrjete sociale.

Një prej tyre ka qenë Kryeministri Edi Rama i cili thotë se 25-vjeçarja do futet në historinë e Shqipërisë si pilotja e parë grua.

“Armela Murati do të futet në histori si pilotja e parë grua në Shqipëri”, shkruan Rama.

Edhe ministrja Elisa Spiropali shprehet se 25-vjeçarja ka forcën që nderon kombin.

“Armela Murati, vajza 25-vjeçare me origjinë nga Burreli e ktheu pasionin për lartësitë në një profesion të lartë në shërbim të Atdheut, duke u bërë pilotja e parë grua në 109 vite histori të Forcës Ajrore Shqiptare”, shprehet ajo.

Nga një monitorim i pozitivi.org vihet re se pilotja e re ka marrë shumë reagime pozitive kryesisht nga gratë, të cilat e kanë përgëzuar për guximin. Një prej tyre në rrjete sociale ka kujtuar nënën e saj të ndjerë, e cila ka qenë policja e parë grua.

“Duhet shënuar në histori që është pilotja e parë femër në Shqipëri…Kurse mami im e ndjerë ishte policia e parë femër në Shqipëri por të paktën të njihet si emër tani pas vdekjes. Luiza Stasa”.

• 

“Jepi një vajze të njëjtat mundësi që i jepen një mashkulli, do të të tregojë çfarë është në gjendje të bëjë. Suksese, uroj që të jesh e para e një numri në rritje. Komplimente të sinqerta”, shkruan një tjetër.

• 

“E mrekullueshmja nxënësja jonë Armela! Inteligjencë, afësi , guxim dhe bukuri të gjitha te mirat tek ti !Sa bukur dukesh! Ti je nje perfeksion!Sa lumturi dhe krenari na dhurove sot ! Fluturo lart e me lart si një Shqiponjë e lirë e krenare me kaltersinë e qiellit në sy. Me dashuri respekt e krenari mësuesja jote”

Shuma vajza dhe gra e kanë pasur ëndërr që të bëhet pilote, por janë stepur për ta provuar për shkak të paragjykimeve.

“Bravo. Edhe unë kisha një endërr të jem pilote. Mentalitet e gabuara të asaj kohe ishte e pamundur”, shprehet një qytetare në komente.

• 

Liria për të zgjedhur është e gjithkujt. Një tjetër vajza e ka pasur këtë mundësi por e ka refuzuar.

“Urime pilotes së parë! Po më kujtojet që ne vitin 199 babai im i ndjere donte që unë të vazhdoja shkollën për pilote në Vlore. Sa mirë që vazhdova shkollën e gjuhëve të huaja në Shkodër, se kushedi do kisha ken kahere t’u fluturu në parajsë…”

• 

“Bravo vajzë guximtare që thyen çdo mentalitet maskilist! Suksese pafund!”

Një tejtër qytetar përtej mbështetjes që ka për Armenlën shkruan se Farcat e Armatosura kanë nevojë për më shumë mbështetje. “Sukese Armelës edhe gjithë djemve e vajzave qe sherbejnë ne uniformë..por Forcat e Armatosura dhe Garda e Republikës ka nevojë për mbèshtetje , akoma marrin një rrogë modeste.,dhe të papërballueshme për jetesën”.

Në thelb të gjitha këto mesazhe për Armelën por edhe për të gjitha gratë që kanë një pasion janë motivuese.

© 2022, Pozitivi. All rights reserved.