09/02/2019

Nis ndërtimi i një shkolle për fëmijët e pastrehë

Kjo kampus i ri shkollor, i projektuar për fëmijët e pastrehë, nga fëmijët e pastrehë, së shpejti do të shërbejë si strehë për afërsisht 200 fëmijë të pafavorizuar në qytetin Oklahoma.

Pozitive Tomorrows, organizata jofitimprurëse, kohët e fundit filloi ndërtimin e objektit të shkollës, me fokus rritjen dhe mirëqenien e nxënësve.

Objekti i ri do të sigurojë hapësirë të plotë dhe të mobiluar, për nxënësit dhe prindërit e tyre. Këtu ata mund të përgatisin ushqime, të hanë darkë dhe të qëndrojnë në shoqërinë e njëri-tjetrit, duke ditur se e kanë një vend ku janë të mirëpritur.

Nxënësit ishin në gjendje të ndihmonin në hartimin e ndërtesës me nevojat që kishin në mendje. Në një ushtrim në Pozitive Tomorrows me titull “Dream Big”, atyre iu kërkua të paraqisnin vizatime se si donin të dukej shkolla e re. Nga të gjitha kërkesat, kishte dy dëshira të përbashkëta themelore në mesin e nxnësve të pastrehë: një vend për të kaluar kohë cilësore me fëmijët e tjerë, dhe dhoma për të shërbyer si hapësira e tyre e personalizuar.

Megjithëse këto kërkesa mund të duken relativisht të thjeshta, ato tregojnë nevojën e nxënësve për komunitetin dhe qëndrueshmërinë – dy gjëra që rrallë i përjetojnë sepse duhet të lëvizin vazhdimisht nga një strehë, shtrat, garazh ose bodrum, në tjetrin.