Një grua që po udhëtonte me aeroplan nga San Diego për në Nashville thotë se “kurrë nuk është prekur aq shumë gjatë një fluturimi”.  Kjo për faktin se një i huaj e ka ngushëlluar një 96-vjeçare, e cila ishte e tmerruar nga fluturimi.

Megan Ashley ka shkruar mbi fluturimin ku ishte ulur pranë të moshuarës. “Në fluturimin tim nga San Diego në Nashville, e ulur në radhën pranë meje ishte një grua 96 vjeçare, e cila nuk kishte fluturuar në 15 vjet.

Për ditëlindjen e saj ajo dëshironte të shkonte në Kansas City për të parë familjen, por ishte e frikësuar nga fluturimi. Ajo i kërkoi dorën këtij djali gjatë fluturimit dhe më pas e përqafoi përsëri kur pësoi turbullira.

Ky djale duhet të them, me kënaqësi e mori dorën e saj, e shtrengoi e qetësoi duke folur me të dhe duke i shpjeguar gjithçka që po ndodhte, edhe pse ishte thjesht një i huaj për të. Ai e dinte se çfarë të bënte gjithë fluturimin për ta ndihmuar. E ndihmoi atë të qëndronte në këmbë për të shkuar në tualet dhe e vëzhgoi me kujdes teksa ecte.

Më bëri të buzëqeshja gjithë fluturimin teksa ai e ngushëllonte. Ky djalosh ishte engjëlli i saj i fluturimit.

Ai e mbajti çantën e saj, e ndihmoi të zbriste nga avioni dhe të përfudnonte të gjitha detyrimet që kishte. Unë u largova e lotuar, e lumtur dhe kaq mirënjohëse për njerëzit si ky njeri i mrekullueshëm. Ajo ishte aq mirënjohëse ndaj tij. Unë kurrë më parë nuk kam qenë aq e prekur në një fluturim. Ky gjest më të vërtetë më ndriçoi javën time ”.

• 

© 2019, Pozitivi. All rights reserved.