Protesta  kundër pushtimit  rus kanë shpërthyer ne te gjithë Europën. Të veshur me ngjyrat e flamurit te Ukrainës, mijëra qytetare u protestuan  edhe ne  zemër të Parisit, Rusisë e të Tiranës. Pozitivi sjell çka ndodhi në protestat e fundit përmes fotove.

Paralelisht me paketën e sanksionesh kundër Rusisë Shqipëria i  ka ofruar  ndihmë  humanitare  popullit ukrainas, në veshje,  ushqime dhe medikamente.

Ambasadori  ukrainas  Volodymyr Shkurov   i kërkoi homologut të tij rus që bashkë me bashkëkombasit e tij  ti kërkojnë Vladimir Putin të  ndalë luftën.

“Dua t’i them popullit rus që ka një person që ka një buton te kuq, neve sot nuk mendojmë vetëm për Ukrainën por edhe për Europën, sepse duam një të ardhme më të mirë për fëmijët tanë. Dua t’i drejohem popullit rus që t’i thonë liderit të tyre jo luftës dhe duhet të zgjohen ta bëjnë këtë”, thotë ambasadori.

Lidhur  me ndihmën e Shqipërisë ai tha: “Këto janë veprime që më detyrojnë t’u them faleminderit dhe të përkulem para tyre”.

Protesta masive shpërthyen edhe në Moskë. Protestat atje hasën në dhunën e policisë,  e cila  këtë të diele arrestoi shumë persona.

© 2022, Pozitivi. All rights reserved.