Pasqyrë makabre e konsumit masiv…por ndryshimi është i mundur
Kjo fotografi është bërë në Midway Island rreth tetë vjet më parë. “Që atëherë situata nuk ka ndryshuar shumë për zogjtë, por ata më mësuan diçka që më ka ndryshuar përgjithmonë. Në këtë atol të vogël po ndodh një tragjedi: dhjetëra mijëra albatrosë të vegjël gjenden të vdekur në tokë, dhe stomaku i tyre i mbushur me produkte plastike. Shkak është hedhja e plehrave mbi Oqeanin Paqësor i cili është i ndotur.
Kjo skenë është një pasqyrë makabre. Në këtë foto shihen pasojat e tmerrshme simbolike të kulturës sonë të konsumit masiv. Të fryrë nga zbrazëtia dhe vdekjet e tepërta, ne njerëzit e gjejmë veten duke humbur aftësinë për të parë çfarë ushqehet me mbetje. Në Midway vendi ishte mbuluar me cigare, furça dhëmbësh, shishe, dhe produkte tjera plastike. Një ndjenjë trishtimi të kaplon. Dhe në atë përvojë mora mesazhin se kjo ishte pasqyra makabre e pikëllimit.
Gjithmonë kisha menduar për pikëllimin si një ndjenjë të keqe, si dhimbje, për të mos u përqafuar. Hidhërimi duket të jetë pjesë e errësirës, një drogë e keqe që duhet shmangur. Albatrosi më tregoi se pikëllimi nuk është i njëjtë si trishtimi apo dëshpërimi; pikëllimi është i njëjtë me dashurinë. Është një përvojë e dështuar dashurie, për diçka që po humbim ose kemi humbur. Ne ndiejmë dhimbje për vuajtjet e qenieve të tjera, sepse i duam.
Në pikëllim ne biem, jo në një humnerë ku mungon shpresa, por në një det blu të pastër, oqean të pafund të dashurisë që secili nga ne e përmban. Hidhërimi është një portë e thellë e jona, ku qëndrojnë mençuria dhe dhembshuria jonë. Hidhërimi dhe dashuria mund të shihen si binjake të pandara. Kur e mbajmë pikëllimin në distancë, dashuria jonë bëhet e paarritshme; dhe kur përqafojmë pikëllimin, ne rilidhemi me aspektin thelbësor të qenies sonë që kohët e fundit ka humbur.
Unë besoj se nëse mund ta ftojmë guximin të brengosim së bashku gjithçka që po humbet në botën tonë, atëherë dashuria jonë do të kthehej me bujarinë, gëzimin dhe paqen tonë. Në këtë mënyrë mesazhi i këtyre zogjve nuk është vetëm tmerr dhe tragjedi, por edhe bukuri dhe ripërtëritje.
© 2018, Pozitivi. All rights reserved.
